Áhugi fyri havaling undir Føroyum

Umhvørvis- og vinnumálaráðið og Heilsufrøðiliga starvsstovan arbeiða í løtuni við at finna besta egnaða økið til havaling eystan fyri Føroyar.

Áhugi er fyri at fara undir havaling, offshore-aling, sum verður mett sum stórur vakstrarmøguleiki fyri laksaaling.

Av tí at talan mest sannlíkt verður um øki, har fiskivinna er frammanundan, verður neyðugt at hoyra allar partar, sum verða ávirkaðir av alivirkseminum, verður sagt í løgmansrøðuni.

Bjóða øki út

Tá hoyringarnar eru lidnar, verður farið undir at bjóða eitt neyvt ásett øki út til havaling. 

Landsstýrið sigur, at tað er umráðandi, at øll loyvisviðurskifti eru greið, tí talan verður um stórar íløgur. 

Ein meting sigur, at íløgan í eina offshore-alistøð er ein milliard krónur fyri eina støð, sum kann ala 10.000 tons av laksi.