Útbyggja kirkjugarðin í Leirvík

Kirkjugarðurin í Leirvík skal útbyggjast fyri góðar 6,5 mió. kr.

Eysturkommuna hevur fingið tilboð upp á arbeiðið, sum er býtt í tvey.

Annað er grótlaðing, og hitt er lendisarbeiði, vegur og bilpláss.

Taka av lægstu tilboðunum

Umsitingin hjá kommununi mælir til at taka av lægstu tilboðunum, og tað hevur býráðið so gjørt.  

Smápartafelagið Nýgerð skal laða grótgarðin. Og samráðingar vera við Kanjon um tillagingar í sambandi við hitt arbeiðið.

Tvær milliónir eru játtaðar til arbeiðið í ár. Hitt verður játtað næsta ár og í 2023.