Lærarar á skúlaleikaskeið

Sjøtul verður nú settur á Skúlaleikir, sum er nýggja átakið hjá Ítróttarsambandi Føroya.

Skúlaleikir byggja á fýra ymiskar ítróttargreinarnar, sum næmingarnir í 4. og 5. flokkum í skúlum kring landi skulu luttaka í hetta komandi árið: rógving, frælsan ítrótt, flogbólt og badminton.

Áðrenn næmingarnir fáá ágóðan, skulu lærararnir búgvast til. Tí vóru góðir 50 av teimum á skeið í síðstu viku.

 - Eg haldi, at tað er ordiliga gott, og tað gevur møguleikan at royna eina rúgvu, sigur Guðrun Jacobsen, lærari í skúlanum við Løgmannabreyt.

Átakið hevur stóra undirtøku millum ítróttarlærarar, sum ikki tykjast hava nakað ímóti, at venjarar og fakfólk vitja ítróttarundirvísingina og leggja lag á.

 - Tað er bara gott at fáa íblástur, tí eins og tú ikki dugur allar lærugreinarnar, kanst tú heldur ikki duga allar ítróttargreinarnar, sigur Guðrun Jacobsen.

 - Her leggja tey dent á ítróttargreinar, sum ikki eru millum tær vanligastu, sigur Ragnar Simonsen, sum starvast á Sankta Frans skúla.

skulaleikir_mynd2.jpg