Tingið viðger arbeiðsmarknaðarmál í dag

Tingfundur verður í dag klokkan 11.00.

Tá fer tingið at viðgera tvey uppskot um arbeiðsmarknaðarmál, sum Javnaðarflokkurin legði fram á ólavsøku.

Flokkurin vil hava landsstýrið at kanna, hvussu nýggjur almennur lønarstigi kann gerast.

Og hitt uppskotið hjá Javnaðarflokkinum er um frítíð við løn. Flokkurin vil hava í minsta lagi seks vikur summarfrí, og at frítíðarlønin verður minst 12 prosent.

Formansskapurin hevur uppskot til samtyktar um at góðkenna ársfrágreiðingina hjá Løgtingsins umboðsmanni furi 2020.

Munnligir fyrispurningar
 
Í morgin eru munnligir fyrispurningar á dagsskránni hjá løgtinginum. Hetta eru fyrstu munnligu fyrispurningar í hesi tingsetuni.

Og tingfundur er eisini hósdagin.

Fyri tingfundin í dag hevur formansskapurin fund um tingarbeiðið í heyst og um eitt skriv frá Løgtingsins umboðsmanni.