- Tíðindi, mentan og ítróttur
Fastognir: Skulu hava tilknýti til Føroya
Fastognir: Skulu hava tilknýti til Føroya
Lógaruppskotið hjá landsstýrinum um fastognir og útlendingar er nú komið í løgtingið
Fólk, sum ikki hava búð í Føroyum ella í danska ríkinum annars í samanlagt fimm ár, skulu hava loyvi frá landsstýrinum til at ogna sær fastogn í Føroyum, stendur í uppskotinum hjá løgmanni.
08.09.2021 - 08:56
Endamálið við uppskotinum er at tryggja, at fólk og fyritøkur, sum eiga fastogn í Føroyum, hava persónligt ella vinnuligt tilknýti til Føroya, sigur Bárður á Steig Nielsen, løgmaður.
Uppskotið er, at fólk, sum ikki hava búð í Føroyum ella í danska ríkinum annars í samanlagt fimm ár, skulu hava loyvi frá landsstýrinum til at ogna sær fastogn í Føroyum.
Ein onnur loyvisskipan verður galdandi fyri feløg.
Sambært heimastýrislógini kann munur ikki gerast á føroyingum og øðrum donskum ríkisborgarum.
Tí er kravið, at fólk hava búð í Føroyum ella aðra staðni í danska ríkinum.
Er kopiera
Nýggjastu sendingar í ÚV
Nýggjastu sendingar í SV
