Pól Hendrikur gull í fyrstu royndini

Tað var vorðið sum elddópur, tá føroyskir lyftarar vóru við í DM í olympiskari vektlyfting fyri fyrstu ferð.

Pól Hendrikur Andreasen gjørdi ikki mætari enn at vinna gull í sínum vektflokki undir 73 kilo.

 - Tað var ein fantastisk uppliving, sigur føroyski vektlyftarin.

 - Tað er ikki ordiliga tað, tú væntar, tá tú fert til DM fyri fyrstu ferð; at tú kemur heim við gullinum.

Pól Hendrikur Andreasen lyfti 90 kilo í trekk og 115 kilo í vend og stoyt.

 - Tað eri eg øgiliga væl nøgdur við. Nú havi eg kappast nakrar ferðir - eg haldi, at hetta er tólvta kapping hjá mær - har eg havi lyft meir hvørjaferð samanlagt, og tað eydnaðist eisini hesa ferð, sigur føroyski gullvinnarin. 

Seks føroyskir lyftarar tóku lut í kappingini. 

Niels Áki Mørk vann silvur í bólkinum niðanfyri 67 kg, og Anna Kristina Niclasen vann bronsu í samlaðu kappingini fyri kvinnur niðanfyri 64 kg.

maibrit_mynd.jpg