Hvassorðaður ST-aðalskrivari

Heimsleiðarar mugu velja ímillum at bjarga heiminum ella at fordøma mannaættina til "eina helvitis framtíð". 

So hvassur er António Guterrres, ST-aðalskrivari, í talu sínu undan veðurlagstoppfundinum, COP26, sum byrjar um ein mánað í Glasgow í Skotlandi.

12 daga langi fundurin er hin týndingarmesti síðani Paris-toppfundin í 2015.

Fleiri ríksileiðarar úr høllum heiminum fara á fundin, - m.a. amerikanski forsetin, Joe Biden.

Í gjár segði Guterres við ráðharrar úr øllum londum, at mest avgerðandi fyri alla mannaættina er at halda lyftið í Parisavtaluni.

- Eg kann ikki undirstrika nóg ofta, at tíðin rennur undan. Vendipunkt fyri veðurlagið, har ikki vendist aftur, eru ræðandi nær, segði Guterres við ráðharrar, sum vóru á fyrireikandi fundinum í Milano í gjár undan COP26.