- Vit sóu beinanvegin, at her var galið

 - Vit sóu beinanvegin, at her var galið.

Tað sigur hjálparvenjarin á føroyska hondbóltslandsliðnum við kvinnum, Finnur Hansson, eftir 39-19 ósigurin fyri Danmark.

Føroysku venjararnir tóku time-out, longu tá tríggir minuttir vóru spældir, tí føroysku spælararnir komu so illa frá byrjan.

 - Vit sóu tað á holdninginum hjá spælarunum, at her var galið beinanvegin. Tí royndu vit time-out fyri at finna rútmuna í spælinum, men vit funnu hana bara ikki, sigur Finnur Hansson.

Føroyar komu í roynd og veru ikki í gongd fyri steðgin, tá danir vóru á odda 18-5. Í seinna hálvleiki gekk betur við álopsspælinum, tá føroysku kvinnurnar skutu 14 mál.

 - Tað tók minst 40 minuttir at fáa tað at koyra ordiligt, at tað revsar eitt lið sum Danmark, sigur Finnur Hansson.