Landssjúkrahúsið klárar at fíggja útreiðslur til serviðgerð uttanlands

Óvæntaðar útreiðslur gera, at brúk er fyri 6,8 milliónum aftrat til serviðgerðir uttanlands.

Men Landssjúkrahúsið klárar at fíggja nógv tað mesta við pengum, sum tað longu hevur.

Heilsu- og orkumálaráðið hevur biðið fíggjarnevndina um 800.000 kr.

Landssjúkrahúsið sparir á kontuni H-bygningurin, tí flyting hagar er seinkað.

Psykiatriski depilin flytur í november. Fult virksemi verður tá í H-bygninginum. 

H-bygningurin

Brúka minni til krabbameinsátøk

Krabbameinsátøk eru raðfest til átøk samsvarandi tilmæli frá Sjúkrahúsverkinum. 

Játtanin er 2,1 mió. kr., men væntandi vera bara 1,6 mió. kr. brúktar í ár. 

Og avlop er á kontuni, sum er avsett til serlæknar, tí seinar setanir gera, at stórt avlop verður, sigur Heilsu- og orkumálaráðið.

Partur av avlopinum verður brúktur til at stytta bíðilistar.

Men væntandi vera 700.000 kr. í avlopi í ár.