- Tíðindi, mentan og ítróttur
Fimm fólk dripin við boga og píli í Noregi
Fimm fólk dripin við boga og píli í Noregi
Ein maður í Noregi hevur dripið fimm fólk og løstað tvey onnur við boga og píli í norska býnum Kongsberg
Ein maður skeyt í kvøld frá hond við boga og píli í norska býnum Kongsberg
Mynd: Scanpix
13.10.2021 - 21:27
Løgreglan í norska býnum Kongsberg hevur handtikið ein mann, sum er undir illgruna fyri at hava dripið fimm fólk og løsta fleiri onnur við boga í píli í býnum. Millum tey løstaðu er ein løgreglumaður.
Hetta upplýsir Øyvind Aas, sum er kanningarleiðari.
Brotsgerðin hendi um fimm tíðina føroyska tíð. Hálvan tíma seinni kom løgreglan á staðið, og tá mátti løgreglan skjóta ávaringarskot eftir brotsmanninum, fyri at fáa hann at leggja vápnið, sum var ein bogi og pílar.
Norska løgreglan kann ikki útihýsa, at tala er um yvirgang, men løgreglan heldur ikki, at tað eru fleiri brotsmenn, sum ganga leysir.
Brotsmaðurin gekk rund í Kongsberg og skeyt eftir fólki við boga og píli, og millum annað var hann inni í einum mathandli.
Enn veit løgreglan ikki, hví brotsmaðurin byrjaði at skjóta frá hond.
Í morgin tekur ein nýggj stjórn við í Noregi.
Er kopiera
Nýggjastu sendingar í ÚV
Nýggjastu sendingar í SV
