Maður datt oman í Borðoynni

Fyrrapartin í gjár datt ein maður oman við fjallið Snæfelli í Borðoynni.

Maðurin, sum er fyrst í trýssunum, var einsamallur á ferð, og hann boðaði sjálvur frá.

Bjargingin byrjaði klokkan 21 minuttir í tólv og vardi í hálvan fjórða tíma.

Fluttur á Landssjúkrahúsið

Maðurin var fluttur við tyrlu á Landssjúkrahúsið. Hann fekk stóran skaða, men er ikki í lívsvanda.

Sjúkraflutningstænastan, MRCC, Atlantic Helicopters, sløkkiliðið í Klaksvík, Norðoya bjargingarfelag og løgreglan vóru við í bjargingini.

Tyrlan fekk ikki sett seg á sjálvum óhappsstaðnum, so neyðugt var at bera skadda mannin av staðnum til tyrluna.