- Tíðindi, mentan og ítróttur
20 føroysk skip skulu minka útlátið
20 føroysk skip skulu minka útlátið
IMO hevur samtykt, at útlátið frá altjóða skipaferðsluni í 2050 skal vera 50 prosent minni enn tað var í 2008
MARPOL-sáttmálin, sum skal verja havið fyri dálking, er herdur, og tað ávirkar eisini føroysk skip, sigur Sjóvinnustýrið.
Mynd: Bjarni Árting Rubeksen
21.10.2021 - 08:28
Um stívliga eitt ár koma munandi harðari krøv um útlát hjá handilsskipum, sigur Sjóvinnustýrið.
Tað er beinleiðis avleiðing av IMO-ráðstevnuni MEPC 76, sum var í juni.
Hon broytti og herdi MARPOL-sáttmálan, sum skal verja havið fyri dálking.
Í Føroyum skulu 20 skip, sum eru bygd fyri 2013, í seinasta lagi í 2026 hava minkað CO2-útlátið í minsta lagi 16 prosent.
Skip oman fyri 5.000 bruttotons
Hetta eru skip, sum eru oman fyri 5.000 bruttotons.
IMO hevur samtykt, at útlátið frá altjóða skipaferðsluni í 2050 skal vera 50 prosent minni enn tað var í 2008.
MEPC 76-avtalan kemur í gildi 1.november næsta ár.
Og í seinasta lagi 1.januar 2023 skulu skipini, sum avtalan er um, hava ætlan um, hvussu tey minka útlátið.
Er kopiera
Nýggjastu sendingar í ÚV
Nýggjastu sendingar í SV
