Royndi at smugla meira enn fimm kilo av hassji

Ein maður í 30'unum er varðhaldsfongslaður í fýra vikur fyri at hava roynt at smugla meira enn fimm kilo av hassji til Føroya.

Tað boðar løgreglan frá í dag.

Tollvaldið fann rúsevnini, tá ið maðurin í september kom í land av Norrønu. 

Og í einum øðrum máli varð ein maður í gjár varðhaldsfongslaður fyri at hava smuglað og selt størri nøgd av rúsevnum í Føroyum.

Hann skal sita í varðhaldi í fýra vikur. 

Løgreglan vil ikki upplýsa, hvussu stórar nøgdir talan er um, og hevur heldur ikki fleiri viðmerkingar í løtuni, tí málið er ikki liðugt kannað.