- Tíðindi, mentan og ítróttur
Fámjinstunnilin einmælt samtyktur
Fámjinstunnilin einmælt samtyktur
Málið skal hava eina viðgerð aftrat í tinginum.
Tunnilin til Fámjins við tilhoyrandi vegum skal í mesta lagi kosta 169 mió. kr.
26.10.2021 - 11:32
Løgtingið hevur einmælt samtykt uppskotið frá Jørgeni Niclasen, landsstýrismanni, um at gera tunnil til Fámjins.
Tá atkvøtt var við aðru viðgerð, atkvøddu øll 28 tingfólkini, sum vóru í tingsalinum, fyri uppskotinum.
Málið um Fámjinstunnilin skal hava eina viðgerð aftrat í tinginum.
Øll fíggjarnevndin tók undir við upppskotinum.
169 mió. kr.
Fíggjarkarmurin fyri verkætlanina er 169 mió. kr.
Tunnilin verður 1,2 kilometrar langur. Ørðavíkarmegin verður gjørdur ein kilometur av atkomuvegi og Fámjinsmegin verða gjørdir 400 metrar
Tríggjar byggifyritøkur eru undangóðkendar at bjóða upp á arbeiðið at gera Fámjinstunnilin.
Er kopiera
Nýggjastu sendingar í ÚV
Nýggjastu sendingar í SV
