Vilja hava gjald fyri at parkera í Havn

Tórshavnar býráð hevur enn einaferð heitt á landsstýrið um at fáa loyvi at taka pengar frá teimum, sum seta bilin frá sær í Havn.

Býráðið samtykti einmælt í gjárkvøldið enn einaferð at heita á landsins myndugleikar um at fáa heimild til at seta gjaldsparkering í verk í Havn.

Býráðið samtykti eisini at seta innanhýsis arbeiðsbólk at gera yvirskipaða tørvslýsing, fáa ráðgeva at gera skitsuprojekt og kostnaðarmeting og játta 500.000 kr. til hetta í sambandi við parkeringartunnil við Skálatrøð.

Sambært upprunaliga uppskotinum, sum var samtykt í mai 2019, er tunnilin við Skálatrøð ein kilometur langur. Har verður pláss fyri 700 bilum.