Søkja eftir fólki til smittusporing

Landslæknin søkir nú eftir fólki at hjálpa til við smittusporingini. 

Koronusmittan setir met, og starvsfólkini hjá Landslæknanum hava úr at gera.

Landslæknin hevur tí tørv á fleiri fólkum at hjálpa til við at seta seg í samband við fólk, ið eru smittað, tey, sum skulu í sóttarhald, og onnur. Aðrar uppgávur eru eisini.

Hetta er eitt tíðaravmarkað starv,  til 31. mars 2022. Fyrstu tríggjar mánaðirnar er talan um tímaløn.

Í lýsingini verður krav ikki sett um útbúgving ella royndir hjá umsøkjarum.

Landslæknin mælir øllum, sum hava hug til hetta arbeiðið, til at søkja.