Kina og USA samstarva um at avmarka útlátið

Kina og USA siga seg fara at samstarva um at minka útlátið av veðurlagsgassum fyri 2030.

Tað boðaðu londini frá á COP26-ráðstevnuni í gjárkvøldið, og tað kom óvart á tey flestu.

Avtalan millum Kina og USA verður hildin at vera eitt stórt stig á leiðini at finna eina semju um veðurlagsbroytingarnar á ráðstevnuni í Glasgow, sum eftir ætlan endar í morgin.

- Eg fegnist um góðu boðini sum samstarv ímillum USA og KIna, sum eru londini ið dálka mest, og sum nú vilja samstarva, sigur aðalskrivarin í ST, Antonio Guterres á Twitter.

- At taka við avbjóðingunum á veðurlagsøkinum krevur altjóða samstarv, og samstarvið ímillum USA og Kina er eitt týdningarmikið stig á røttu kósini, sigur Guterres.