Biden og Jinping hava talgildan toppfund í kvøld

Biden og Jinping hava talgildan toppfund í kvøld
Støðan er spent millum londini, men longu nú tykist vera greitt, at hvørgin parturin er sinnaður at gera neyðsemju
Kinesiski forsetin, Xi Jingping, og amerikanski starvsbróðirin, Joe Biden, hava toppfund á netinum í kvøld.
Mynd: RitzauScanpix  
 
15.11.2021 - 15:31

Amerikanski forsetin, Joe Biden, og kinesiski starvsbróðir hansara, Xi Jinping, fara í kvøld at hava talgildan toppfund, sum hevur til endamáls at linka spentu støðuna millum londini.

Men longu nú tykist vera greitt, at hvørgin parturin er sinnaður at gera neyðsemju.

Ein embætismaður í umsitingini hjá Joe Biden sigur, at amerikanski forsetin fer at leggja dent á, at "Kina noyðist at halda spælireglurnar, sum eru galdandi fyri eina tjóð, ið vísir ábyrgd."

Roknað verður við, at toppfundurin á netinum fer at vara í fleiri tímar, og ætlanin er fáa ásett reglur fyri kappingarstøðuna millum Kina og USA í framtíðini.

Hava tosað í telefon

Biden og Jinping hava tosað tvær ferðir saman í telefon, síðani Biden gjørdist forseti.

Og sambært Hvítu húsunum er fundurin í kvøld sera væl fyrireikaður.

Amerikanski forsetin hevur funnist at Jinping fyri ikki at hava verið við á veðurlagsráðstevnuni í Glasgow, sum endaði um vikuskiftið.

Kommunistaflokkurin í Kina samtykti í síðstu viku eina søguliga yvirlýsing, sum gevur forsetanum eina serliga politiska støðu, samstundis sum Jinping fær betri rásarúm at stýra Kina næstu árini.

 

 

 

Er kopiera
Nýggjastu sendingar í ÚV
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Leygardag 15. februar
Upp á tá - 140225
187806
Nýggjastu sendingar í SV
Sunnudag 16. februar
Guðstænasta úr Havnar kirkju
187829
Leygardag 15. februar
Hondbóltur: H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762
Fríggjadag 14. februar
Veðrið
187798
Mikudag 12. februar
Merkja grind
187663