Prísurin skal lækka: Tunnilsfelagið fær ferðafrádráttin

Eysturoyartunnilin hevur hall, og tí er neyðugt, at landið játtar 35 milliónir kr. til raksturin av tunlinum næsta ár.

Samstundis verður ferðafrádrátturin í tunlinum tikin av, og í staðin latin felagnum, so prísirnir kunnu lækka.

Talan er um sjey milliónir kr.

- Tað fer at gera mun, sigur Teitur Samuelsen, stjóri í Eysturoyar- og Sandoyartunlum.

Bensin og diesel hækkar

Landsstýrisð ætlar at hækka prísin á bensini og á dieseli við 13 oyrum fyri liturin, og vegskatturin á persónbilum fer at hækka 300 kr. um árið.

Tað skal geva 25 milliónir kr. í inntøkum, upplýsti Jørgen Niclasen, landsstýrismaður, tá hann legði samferðslupakkan fram í dag.

Ferðafrádrátturin fyri í ár verður ikki broyttur, segði landsstýrismaðurin.

Hoyr innslag í útvarpstíðindunum. 

Teitur Samuelsen, samferðslupakkin