- Tíðindi, mentan og ítróttur
Ørskapur at fara undir oljuboring við Grønland
<div>Ætlanin er at seta borin í vestan fyri Grønland næsta ár. </div><div><br></div><div>Men Sigurd Solem mælir staðiliga frá at gera tað. Sigurd Solem er stjóri í Dansk Geotermi og ráðgevi og serfrøðingur í boritøkni og trygd. Hann hevur sum stjóri hjá Maersk borað eftir olju um allan heim.</div><div><br></div><div><b>Vantandi førleiki</b></div><div>Sambært MetroXpress heldur Sigurd Solem, at hvørki Danmark ella Grønland hava neyðugan førleika til at stýra trygdini, tá borast skal við Grønland, millum annað finst eingin útgerð ella tøkni til at bora, har sum ísur er.</div><div><br></div><div>Sigurd Solem fatar ikki, at oljufeløg sleppa at bora við Grønland, tá vandin fyri óhappi er so stórur, nógv størri enn aðra staðni, tí har eru ísfjøll. </div><div><br></div><div>Oljuserfrøðingurin brúkar stór orð. Hann sigur, at hendir ein stór ólukka við Grønland, verða avleiðingarnar so ræðuligar, at illa ber til at ímynda sær tær. Øll tann arktiska vistfrøðiskipanin verður fullkomiliga oyðiløgd, og hon kemur ongantíð fyri seg aftur, sigur Sigurd Solem. </div>
