- Tíðindi, mentan og ítróttur
Innbrot á Zarepta
Innbrot á Zarepta
Í gjárkvøldið var innbrot á Zarepta. Vakmyndatólini hava givið eina góða ábending um, hvørji tað vóru, sum brutu inn, og løgreglan hevur sett nøvn á fleiri teirra
Innbrot hevur verið á Zarepta í gjár, har tjóvarnir eftir øllum at døma vóru eftir frystigóðsi
26.12.2021 - 10:39
Um hálvgum níggju tíðin í gjárkvøldið fekk løgreglan boð um, at innbrot var framt á Zarepta í Vatnsoyrum.
Tey, sum høvdu brotið inn, høvdu brotið ein rút.
Vakmyndatólini hava givið eina góða ábending um, hvørji tað vóru, sum brutu inn. Fólk komu í tveimum bilum, og løgreglan hevur skrásetingarnummurini á báðum bilunum. Á vakmyndatólunum síggjast eisini fleiri fólk, og løgreglan hevur sett nøvn á fleiri av innbrotstjóvunum.
Eftir øllum at døma vóru tjóvarnir farnir eftir frystigóðsi.
Tey, sum hava brotið inn, verða skuldsett fyri stuldur og fyri at gera seg inn á annan mans ogn.
Er kopiera
Nýggjastu sendingar í ÚV
Nýggjastu sendingar í SV
