30 mió. kr. latnar til gransking á heilsuøkinum

Síðani Granskingarráðið tók við pengunum í Sjúkrakassagrunninum, hevur tað latið 29,7 mió. kr. til nógvar kanningar og granskingarverkætlanir á heilsuøkinum.

Granskingarráðið hevur nú gjørt eina frágreiðing og eftirmeting um stuðulin úr Sjúkrakassagrunninum.

Hon verður løgd fram í Smæruni í morgin klokkan eitt.

Á fundinum fara nøkur teirra, sum hava fingið stuðul úr Sjúkrakassagrunninum, at greiða frá verkætlanum sínum, og pallborðskjak verður um stuðul til at menna heilsuøkið við umboðum fyri Sjúkrakassagrunnin, Mentamálaráðið, Sjúkrahúsverkið og Fróðskaparsetrið.

Korona ger, at bara innboðin sleppa á fundin, men hann verður stroymdur.