816 fólk fleiri í fjør

Vit vóru 816 fólk fleiri í Føroyum í desember 2021 enn í desember 2020.

Tað skrivar Hagstovan í morgun.

53.686 fólk búðu í Føroyum í desember.

Størsti vøksturin hetta tíðarskeiðið var í Tórshavnar kommunu og í Klaksvíkar kommunu.

66 fleiri í Nes kommunu

Sum nakað nýtt var triðstørsti vøksturin í Nes kommunu, har 66 fólk løgdust afturat.

Sostatt løgdu fleiri fólk afturat í Nes kommunu enn í Runavíkar kommunu hetta tíðarskeiðið, hóast fólkatalið í Nes kommunu bara er ein triðingur av fólkatalinum í Runavíkar kommunu.

Størsta afturgongdin í fólkatalinum var í Kvívík, á Sandi og í Skálavík.

Afturgongdin kemst serliga av innanlands flytingum úr kommununum, skrivar Hagstovan.

Sí meira um fólkatalið her.