Lagnan hjá KOKS við Fossdalsgjógv avgjørd í februar

10.01.2022 - 14:01

Innlendis›Samfelag

KOKS vil byggja matstovubýling, og festibóndin vil friða økið. Avgerðin í báðum málunum fellur í februar, sigur Henrik Møller, formaður í Yvirfriðingarnevndini

Uni Holm Johannesen

Aktivera javascript

Soleiðis ímyndar KOKS sær tann matstovubýlingin, sum ætlanin er at byggja við Fossdalsgjógv

Mynd: Gestur Lómstein

Í februar fer Yvirfriðingarnevndin at taka støðu til, um KOKS skal sleppa at byggja býling við Fossdalsgjógv, ella um økið skal friðast fullkomiliga.

Festibóndin á staðnum, ið einaferð ætlaði at leggja ein køst á staðnum, hevur nú søkt um at friða sama økið.

Tí skal Yvirfriðingarnevndin taka støðu til tvær umsóknir: Eina um at byggja matstovubýling, og eina um at friða økið.

Henrik Møller

Avgerast lokalt fyrst

Hendrik Møller er formaður í Yvirfriðingarnevndini, og hann sigur, at friðingarnevndin í Streymoyar sýslu hevur eisini fingið umsóknina um at friða økið til viðgerðar.

Og Yvirfriðingarnevdin fer ikki undir sína viðgerð, fyrrenn lokala friðingarnevndin hevur tikið støðu.

Gongst sum ætlað, so tekur Yvirfriðingarnevndin avgerð í februar.