Árni Skaale: Føroya banki skal latast uppaftur

Árni Skaale ætlar sær at vera við at mynda Føroyar, og tí hevur hann nú skift tilveruna sum vinnulívsmaður út við tilveruna sum landsstýrismaður í fiskivinnumálum.

Og sum landsstýrismaður í fiskivinnumálum umsitur Árni Skaale stóru og eldfimu málsøkini fiskivinnumál, hvalamál og tilbúgvingina.

Strandalandasamráðingar

Ein av stóru uppgávunum sum standa fyri framman hjá nýggja landsstýrismanninum eru samráðingarnar við hini strandarlondini um makrel, norðhavssild og svartkjaft.

Í løtuni er eingin semja millum londini um býtið av kvotum sínámillum.

Tað hevur millum annað ført við sær, at fiskiskapurin eftir makreli, norðhavssild og svartkjafti hevur mist MSC-góðkenningina, tí mett verður, at veiðan í Norðuratlanshavinum ikki er burðadygg.

At fáa góðkenningina til vega aftur er tí eitt mál hjá nýggja landsstýrismanninum, men ikki fyri ein og hvønn prís.

Jacob Vestergaard, Árni Skaale, fólkaflokkurin

Eingin kollvelting

Tað verður ikki nøkur kollveltandi broyting í fiskivinnupolitikkinum, nú Árni Skaale loysir Jacob Vestergaard av sum landsstýrismann.

Fremsta málið er at tryggja verandi aktørum tryggar rammur at virka undir og hjálpa botnfiskaflotanum at fóta sær.