Hava borað ein fjórðing av tunlunum norður um Fjall

Tað gongur væl at bora tunlarnar norður um Fjall.

Nú er ein fjórðingur av tunlunum boraður, og tí fingu starvsfólk góða tunnilskøku í gjár. 

Fyrsta skotið til tunlarnar norður um Fjall varð latið av 30. september í fjør.

Tunlar norður um Fjall, boriútgerð til tunlar norður um Fjall

Skulu vera lidnir í 2024

Árnafjarðartunnilin verður umleið 1900 metrar langur, og Hvannasundstunnilin umleið 2200 metrar. Harumframt eru vegir til tunlarnar.

Løgtingið hevur játtað tilsamans 522 milliónir kr. til báðar tunlarnar norður um Fjall, sum skulu verða lidnir á heysti í 2024.

Báðir tunlarnir verða boraðir úr Árnafirði.

Byggifelagið Articon ger arbeiðið, og arbeitt verður alt samdøgrið.