Áir hava lopið seinnapartin

Nøkur áarlop hava verið seinnapartin ymsastaðni í landinum.

Við Skipaneskrossin, í Hvalvík, við Áirnar og millum Kalbak og Kalbaksbotn.

Árni Jacobsen, økisleiðari hjá Landsverki sigur, at áarlopini ikki hava tarnað ferðsluni nakað serligt.

Landsverk hevur ruddað vegirnar aftur.

Landsverk hevur eisini rudda Gjáarvegin, og nú er koyrandi har.

Landsverk ávarar, at áir framvegis kunnu leypa, og heitir tí á bilførarar um at ansa sær í ferðsluni.