Niðurteljingin til TROM av álvara byrjað

Nú er nokk tosað, tí um vikuskiftið verður TROM almenn.

Fyrst verður røðin frumsýnd í Løkshøll í Runavík leygardagin, áðrenn røðin verður at útgivin á Viaplay leygarkvøldið klokkan 22 føroyska tíð. 

Umframt verður TROM at síggja í Havnar Bio sunnudagin. 

Kringvarpið vísir TROM 

TROM-røðin verður eisini víst í sjónvarpinum hjá Kringvarpinum næsta hósdag, sum er 17. februar, tá allir partarnir eisini verður lagdir út her á heimasíðu Kringvarpsins. 

Niðurteljingin merkist eisini á tann hátt, at Viaplay nú hevur almannakunngjørt ein longri brellbita um røðina.