Maður doyði um borð á Suðringi

Ein maður doyði um borð á Suðringi sunnunáttina.

Um hálvgum eitt tíðina sunnunáttina fekk Sjóbjargingarstøðin fráboðan um, at ein maður var fallin í óvit um borð á trolaranum Suðringi, sum var 100 fjórðingar í ein útsynning úr Føroyum.

Onnur tyrlan hjá Atlantic Helicopters fór til Suðring, men maðurin fekst ikki upp í tyrluna, tí skipið livdi so nógv.

Suðringur fór síðani at sigla móti landi.

Doyði á veg til lands

Ætlanin var at royna aftur við tyrluni, men tá var maðurin, sum var útlendingur, deyður. Hann var síðst í fjørutiárunum.

Løgreglan hevur boðað myndugleikunum í landinum, haðani maðurin var, frá, so teir kunnu geva teimum avvarðandi deyðsboðini.

Suðringur kom á Havnina seint seinnapartin í gjár.