Noyddust til Portugals við sjúkum ferðafólki

Eitt flogfar hjá Atlantic Airways noyddist í gjár broyta at kós og seta seg  í Faro í Portugal, eftir at eitt ferðafólk kendi seg illa. 

Tá flogfarið var komið til Portgals, bleiv viðkomandi fluttur á sjúkrahús.

Talan var flogfarið úr Gran Kanaria, sum skuldi til Føroya.

Av tí at manningin á flogførum hevur strangar mannagongdir um hvílitíð, varð neyðugt hjá teimum - og harvið eisini øllum ferðafólkunum - at gista eina nátt í Portugal. 

Flogfarið fer úr Algarve floghavnini um níggju tíðina í morgun, og tað verður eftir ætlan í Føroyum um eitt-tíðina.