Putin: Russiski herurin tekur seg aftur

Russland boðar í morgun frá, at hernaðarvenjingin á Krim-hálvoynni er av, og at herfólk, sum vóru við í venjingini, taka seg aftur til herstøðirnar.

Boðini frá russisku verjumálaráðnum vórðu kunngjørd gjøgnum tíðindastovuna, RIA Novosti.

- Deildirnar frá suðurøkjunum, sum hava gjørt sína skyldu, fara nú aftur til sínar vanligu støðir, upplýsir verjumálaráðið í Moskva.

Tíðindastovan almannkunnger upptøkur frá verjumálaráðnum, sum vísa akfør fara um Krim-brúnna.

Aðrar keldur hava ikki váttað russisku tíðindini.

NATO vil hava prógv

Vladimir Putin, forseti, segði í gjár, at russiski herurin er farin undir at flyta fólk og útgerð frá ukrainska markinum.

NATO og vesturheimurin vilja hava fleiri ítøkilig prógv um tað, áðrenn boðini vera góðtikin, er svarið, sum er sent Moskva.

Eftir fólkarættinum hoyrir Krim-hálvoyggin til Ukraina, men Russland legði oynna undir seg í 2014.