Macron stillar uppaftur

Emmanuel Macron hevur kungjørt, at hann stillar uppaftur á forsetavalinum í Fraklandi í vár.

- Vit hava havt nógvan mótburð. Yvirgang, farsótt og kríggj í Evropa. Tað er sjáldan, at so nógvar kreppur eru í Frakland í senn. Vit hava møtt teimum við virðing og brøðralagi, skrivar Macron í fráboðanini.

Evstamark at stilla upp er í dag kl. 17. 

Velja 10. apríl

Fyrra valumfar verður 10. apríl. Fær einki av valevnunum meira enn helmingin av atkvøðunum, verður nýtt valumfar við tveimum valevnum 24. apríl.

Macron stendur seg væl í meiningakanningunum.

Hóast hann ikki er farin undir valstríðið enn, s er forsetin lagdur undir at hava misnýtt sína støðu fyri at fáa størri undirtøku, skrivar AP.