Lutakast um nevndarsess

Lutakast var um ein nevndarsess í Pedagogfelagnum á aðalfundnum leygardagin.

Gunnvá Akraberg Hansen stillaði upp, og Valborg H. Hammer og Harald Joensen, sum bæði vóru í nevndini, tóku við afturvali.

Valborg H. Hammer fekk nógv flestar atkvøður. Men Gunnvá A. Hansen og Harald Joensen fingu bæði 214 atkvøður í part. 

Síðani var lutakast, sum Gunnvá A. Hansen vann. Harald Joensen er nú tiltakslimur.

Nýggir nevndarlimir í Starvsfelagnum

Starvsfelagið hevði eisini aðalfund leygardagin.

Har komu Hildigerð Djurhuus og Hergeir Staksberg í nevndina. Tey eru bæði nýggj í nevndini.

Hilmar Augustinussen, sum var í nevndini, stillaði eisini upp. Hann er nú tiltakslimur.