Bestir í ríkinum

Eiri Jógvansson Glerfoss og Jónas Gunnleivsson Isaksen gera veruliga vart við seg í frælsum ítrótti fyri tíðina.

So væl hevur gingist, at teir nú eru tiknir út til bruttohópin hjá danska landsliðnum, og skulu helst til evropameistaraheitini í Ísrael í summar.

Teir íðka fleiri greinar í frælsum ítrótti, men tað er serliga í longdarlopi, at teir fáa góð úrslit. Teir hava í løtuni besta og næstbesta úrslitið í Danmark - tað fingu teir til innandurameistaraheitið fyri ung fyri kortum.