Mentanarnevndin spyr um revsiváttan

Hvussu ber tað til, at arbeiðsgevarar skulu gera av, um fólk hava reina barnaváttan, hevur Mentanarnevndin hjá løgtinginum spurt Jenis av Rana, landsstýrismann.

Í lógaruppskotinum um barnaváttan stendur, at so leingi einki avmarkandi ella byrðandi er ásett í løgtingslógini, ella við heimild í løgtingslógini, fer tað sambært leiðslurættinum altíð at áliggja arbeiðsgevarum at meta barnaváttanina. 

Hví hevur Menta- og uttanríkismálaráðið ikki valt at løgskipa, nær fólk, sum ikki hava reina barnaváttan, kunnu setast í starv, vil Mentanarnevndin hava at vita.

Hon spyr eisini, um ein dømdur pedofilur ella fólk, sum hava okkurt í barnaváttanin, kunnu setast í starv ella setast sum venjari, leiðari á summarlegum og so framvegis, sama um hetta er lønt ella ólønt, har tey hava við børn og ung undir 15 ár at gera.

Og Mentanarnevndin spyr, um barnaváttan verður kravd frá útlendingum,.