Eingin forskúli næsta skúlaár

Tað verður ikki næsta skúlaár, at stig verður tikið til at byrja forskúla í Eysturskúlanum í Havn.

Gongst sum ætlað, fáa foreldur í Havn møguleika at melda børn síni í forskúlan frá skúlaárinum 2023-2024. Pláss verður fyri tveimum flokkum við í alt 48 børnum í nýggja forskúlanum.

Hetta skrivar Skúlablaðið.

Eysturskúlin hevur tikið fyrstu stigini til forskúla og lýst hann væl, men loyvið frá kommununi og fígging komu so mikið seint, at innskrivingin til komandi skúlaár var latin aftur, tá skúlin lýsti við forskúlanum.

Av hesi orsøk vóru ov fá børn meldað í forskúla, og tí er avgerð tikin um at bíða eitt ár, skrivar Skúlablaðið.