BBC fær fíggjarligan stuðul at mótarbeiða villleiðandi tíðindum

Bretska stjórnin hevur játtað tíðindamiðlinum, BBC World Service, fýra milliónir pund í stuðli, so at miðilin kann mótarbeiða villleiðandi tíðindum.

Tað svarar til góðar 35 milliónir krónur.

Peningurin skal m.a. nýtast til ukrainska og russiska pallin hjá BCC, og til átrokandi og óvæntaðar útreiðslur, skrivar miðilin.

- Stuðulin fer at hjálpa okkum við tørvinum, sum vit hava í løtuni á at stuðla okkara starvsfókum, sum alt samdøgrið arbeiða við at bera fólki óheftan tíðindi, sigur Tim Davie, stjóri í BBC.

Peningur skal eisini brúkast til at flyta starvsfólk og sendiútgerð til tryggari støð.

Russisku og ukrainsku støðirnar hjá BBC hava havt metnógvar lurtarar, síðani Russland gjørdi innrás í Ukraina, skrivar BBC.