Reyði Krossur ger enn eina roynd

Reyði Krossur fer aftur í dag at royna at fáa sivilfólk úr havnabýnum Mariupol.

Reyði Krossur hevur fleiri ferðir roynt at hjálpt ukrainum úr Mariupol gjøgnum sokallaðar humaniterar rýmingarleiðir, men uttan at tað hevur eydnast. 

Í gjár skuldu 54 bussar við sivilfólkum sleppa at koyra úr Mariupol, og tveir lastbilar við neyðhjálp skuldu koyra inn í býin. Men Reyði Krossur mátti sleppa ætlanini, tí tað var ikki vápnahvíld millum partarnar, sum annars var avtalað.

Tað eru umleið 170.000 fólk stødd í Mariupol. Tað sigur Anders Ladekarl, sum er aðalstjóri í donsku deildini hjá Reyða Krossi.

- Í ein mánað hava tey ikki havt streym, vatn ella mat. Tey fáa onki inn í býin og sjúkrahúsini hava ongan heilivág, sigur Anders Ladekarl. 

Russland og Ukraina ákæra hvørt annað fyri at bróta vápnahvíldina í samband við humaniteru rýmingarleiðirnar í Mariupol og øðrum býum.