Gongur væl at bora tunlarnar norður um Fjall

Nú er næstan komið í helvt við at bora bergholini norður um Fjall.

Landsverk upplýsir, at skotnir eru 1712 metrar, sum eru 42 prosent av tí, sum skjótast skal.

Í Hvannasundsbergholinum eru 1201,5 metrar eftir og í Árnafjarðarbergholinum 1171,5 metrar.

Fyrsta skotið var 30.september í fjør.

Árnafjarðarbergholið verður 1.900 metrar og Hvannasundsbergholið 2.200 metrar. 

Bæði bergholini vera borað úr Árnafirði. Tey skulu verða liðug á heysti í 2024.