Vesturbúgvin kom einsamallur aftur til lands

Klokkan sjey í gjárkvøldið kom Vesturbúgvin á Havnina við teimum sjey monnunum, sum vóru við Eysturbúgvanum.

Beint fyri klokkan fimm í gjármorgunin stoyttu partrolararnir Vesturbúgvin og Eysturbúgvin saman, og eftir stuttari løtu sakk Eysturbúgvin. 

Politiið var um borð á Vesturbúgvanum og gjørdi avhoyringar.

Alkoholroyndir vóru eisini tiknar av skiparunum, men tær vóru negativar.

Teir 14 menninir fingu tilboð um kreppuhjálp.

Danska skaðanevndin skuldi koma til Føroya longu í gjárkvøldið.

Vesturbúgvin, trolari

Vesturbúgvin kom á Havnina um sjey tíðina í gjárkvøldið.