Amerkansk vápn til Ukraina

Amerikanski forsetin Joe Biden boðaði í gjár frá, at USA er til reiðar at senda fleiri vápn til Ukraina. Tað skrivar Reuters. 

Samstundis sendi Biden eina áheitan á amerikonsku  Kongressina, um at játta fleiri pengar til Ukraina. Núverandi játtanin er um at vera uppi, vóru boðini. 

Nýggja sendingin til Ukraina inniheldur eitt nú lóður og radaraútgerð. 

Ein ónavngivin embætismaður sigur við AFP tíðindastovuna, at hernaðarpakkin hevur eitt virði á 150 milliónir dollarar, svarandi til góða milliard í okkara pengum.