Nú ber til at søkja um miðlastuðul til verkætlanir

Nú ber til at søkja um miðlastuðul til verkætlanir
Tvær milliónir eru settar av, og 1,4 milliónir verða brúktar til verkætlanarstuðul
Nú kann søkjast um miðlastuðul eit eitt nú til greinarøð, heimildarsending og poddvarp.
 
09.05.2022 - 15:11

Nú ber til á fyrsta sinni at søkja um miðlastuðul til verkætlanir, eitt nú til greinarøð, heimildarsending, poddvarp o.a., ið tíðindamiðlar framleiða við journalistiskari dygd og samfelagsligum virði.

Tað er Uttanríkis- og mentamálaráðið, sum umsitur pengarnar, og sum skal hava umsóknirnar.

Á heimasíðuni skrivar ráðið, á fíggjarlógini eru tvær mió. kr. settar av til miðlastuðulin. Av teimum verða 70 %, svarandi til 1,4 mió. kr., brúktar til verkætlanarstuðul, og 30 %, svarandi til  600 tús. kr., verða brúktar til rakstrarstuðul, grundað á skjalprógvaðar lønarútreiðslur. Lýst verður við seinna stuðulsmøguleikanum í heyst.

 

Freistin 23. mai

Freistin at søkja verkætlanarstuðul er 23. mai á middegi.

Allar umsóknir skulu skrivast á serstakt umsóknarblað til verkætlanir, sum liggur á heimasíðuni hjá  Uttanríkis- og mentamálaráðnum.

Sambært lógini er tað Miðlastuðulsnevndin, ið tekur endaliga avgerð um miðlastuðul.

Er kopiera
Nýggjastu sendingar í ÚV
Týsdag 18. mars
Morgunlestur týsdagur 18.mars 202
189184
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226