Hasfjord liggur enn

Hasfjord liggur enn.

Hann hevur ikki siglt síðani 10.mai, og enn er óvist, nær Hasfjord kemur í sigling aftur, siga Strandfaraskip landsins.

Bíðað verður eftir at fáa eykalutir til girið, sum fekk stóran skaða, tá eitt traktordekk kom um skrúvuna inni í Skopunar havn.

Tað er ikki lætt at fáa slíkar eykalutir til eitt gamalt skip sum Hasfjord.

Tí er framvegis óvist, nær skaðin kann umvælast, siga Strandfaraskip landsins.