Auður komin til Porkeris

Nógv fólk var á bryggjuni og tók í móti teimum fýra íslendingunum, sum høvdu róð úr Kirkwall í Orknoyggjunum í hálvt fjórða samdøgur.

Teir mistu róðrið mánanáttina, og tað darvaði teir nógv. Seinasti teinurin var strævin hjá teimum.

Innivist í Porkeri
Íslendingarnar hava fingið innivist hjá fólki í Porkeri. Og í kvøld klokkan sjey skipar bygdarráðið í Porkeri fyri móttøku í Húsinum við Á, har sum manningin á Øyduri eisini fer at siga frá ferðini.  

Teir fýra ætla sær til Havnar á ólavsøku og síðani verður róð til Íslands, tá veðrið verður til vildar.

Næsta ár er so ætlanin at rógva úr Íslandi til Grønlands og Kanada. Ferðin byrjaði í Norra 10.juni og eina viku seinni koma teir til Kirkwall. Har bíðaðu teir í ein góðan mánað eftir líkindum at halda fram til Føroya.