Hans Enoksen gevst sum floksformaður

Fyrrverandi grønlendski landsstýrisformaðurin, Hans Enoksen, hevur lagt frá sær sum formaður í grønlendska flokkinum, Naleraq. 

Sambært grønlendska miðlinum, Sermitsiaq, er orsøkin av persónligum ávum. 

Ruttsi Lynge Lennert er virkandi formaður, til eykaaðalfundur hevur valt nýggjan formann.

Tað verður ikki upplýst, um Hans Enoksen heldur fram í politikki.

Stovnaði flokkin

Hans Enoksen var við til at stovna Naleraq í 2014, eftir at hann tók seg úr Siumut. 

Hann hevur staðið á odda fyri flokkinum øll árini, og hevur millum annað røkt sessirnar sum landsstýrismaður í fiskivinnumálum og vinnumálum. Hann hevur eisini verið formaður í Inatsisartut, landstinginum. 

Áðrenn Hans Enoksen stovnaði Naleraq, var hann limur í Siumut, har hann var formaður frá 2001 til 2009, og hann var landsstýrisformaður frá 2002 til 2009.