Vilja sleppa upp í ES

Fólk í túsundatali eru í gøtunum í georgiska høvuðsstaðnum, Tblisi, har tey krevja georgiskan limaskap í NATO.

Tey vilja vera ein partur av evropeiska samveldinum, skrivar AP.

Við georgiska og evropeiska flagginum í hond, eru fólkini savnað uttan fyri parlamentsbygningin í Tblisi, har tey royna at senda eini boð til Brússel, um at Georgia vil vera partur av Evropa.

Sí videomyndir frá AP-tíðindastovuni her:

ES fer í vikuni taka støðu til, um Georgia, Moldova og Ukraina skulu fáa møguleikan at gerast limir í ES.

Ukraina og Moldova hava mestsum fingið boð um, at tey kunnu gerast limir í ES, meðan Georgia má bíða eftir svari, til landið hevur sett fleiri nýskipanir í verk, sigur forkvinnan í ES nevndini, Ursula von der Leyen.