Meiningakanning : Fosturtøkulógin skal ikki dagførast

6.186 brúkarar á Portalinum svaraðu fríggjadagin upp á spurningin “Átti fosturtøkulógin at verið dagførd?”.

49 prosent av teimum halda ikki, at lógin eigur at dagførast, meðan seks prosent svaraðu, at tað kundi gera teimum tað sama.

Tey írestandi 45 prosentini, ið valdu at svara í kanningini, søgdu seg ynskja, at fosturtøkulógin verður broytt.

Fyribils røkist einki fyri, at nakað uppskot um fría fosturtøku verður lagt fyri Løgtingið.

Tað skrivar Info, sum vísir á, at hóast fleiri andstøðutingfólk halda, at lógin eigur at vera broytt, so er ikki væntandi, at nakað uppskot um tað verður lagt fyri tingið.