Biden fer at umrøða Khashoggi-málið

Málið um dripna saudi-arabiska journalistin, Jamal Khashoggi, verður umrøtt, tá ið amerikanski forsetin Joe Biden í morgin skal hitta saudiska krúnprinsin Mohammed bin Salman. 

Tað hevur Joe Biden lovað, sigur einkja eftir Khashoggi, Hanan Elatr Khashoggi, sum hevur verið á fundi við embætisfólk í amerikonsku stjórnini.

- Tey vissaðu meg um, at málið um mannin hjá mær verður viðgjørt, sigur Hanan Elatr Khashoggi, sambært journalisten.no.

Jamal Khashoggi, sum búði í USA og skrivaði fyri The Washington Post, var dripin í saudi-arabiska konsulátinum í Istanbul í 2018. Sambært amerikonskum fregnartænastuupplýsingum, hevði Mohanned bin Salman krúnprinsur bílagt drápið.