7000 krónur at keypa olju fyri

Tað vera tey við lítlum inntøkum, sum hita húsini við olju, sum fáa pengar úr landskassanum, 7.000 kr. 

Løgmaður segði í ólavsøkurøðu sínari, at uppskot er á veg um at hjálpa húskjum, sum eru illa fyri fíggjarliga. 

Í løglistanum hjá landsstýrinum, listin við teimum lógaruppskotum, sum ætlanin er at leggja fram í hesi tingsetuni, stendur, at talan er um broyting í lógini um familjuískoyti.

Oljuískoyti skal latast teimum, sum hava lítlar inntøkur og ikki ognir av týdningi, og brúka olju at hita húsini.

Ætlanin er at lata teimum ískoytið, sum ikki hava børn og, har inntøkan í mesta lagi er 290.000 kr. um árið.

Ískoytið verður bara latið eina ferð..

Uppskotið kemur fyrst í september.