Nýggjur fyrstilærari í Kaldbak

Anna Maria Reinert Jensen er sett sum fyrstilærari í Kaldbaks skúla frá 1. august at rokna.

Hon er 52 ára gomul og tók læraraprógv í 1994 og eftirútbúgving í namsfrøðiligari leiðslu í 2020.

Harumframt hevur hon í 2021 tikið skeið á masterstigi í yvirskipaðari namsfrøðiligari leiðslu.

Anna Maria Reinert Jensen hevur síðani 1996 undirvíst sum lærari í tveimum stórum skúlum í Havn, umframt at hava verið toymisleiðari og leitt verkætlanir.

Anna Maria Reinert Jensen avloysir Fríðbjørg Hammer, sum hevur verið fyrstilærari í Kaldbak síðstu trý árini, men nú er blivin varaskúlastjóri í Kollafirði.